70
āpan byaktekeanang pāpa tumuwuh-asĕwö wöltik-
ing manakarmma,
lud ngwang satwātimuḍācĕmĕr-aku ring-apan
tan tkeng rorawāngga.
7. Sangsiptan piṇḍaha pwang hulun-atĕlasanā
dweṣa ring putra dharmma,
māryyānggĕng krodha māryyangapakangapaka ring
sang mahāpaṇḍitāgra,
yāpwan sangkeng lalis sang nṛpa tanaya
thĕr matya tan labḍajīwan,
mīlwa ngwang līṇa wet ning taya manginaka-
neng hingsa kābuddhipāpa.
--- 0 ---
1. Nā ling mṛgendrāwacane nṛpātmaja,
ndan dura rakwāmuripang huwus pjah,
satwondra yekāmriha winta patyana,
de hastiwaktroraga mukya sang rĕṣi.
2. Ndan sang śinabdan sira teki langghyana,
puh twas niran kewala duhkitā -/- nangis,
37.b. satwendra dhārapatya tumārjjanatunu,
dīptang nakānghing pw_ang-iniṣṭi pālaga.
3. Ndah hyang surendrādhipa ring sulaya,
prāpteki. tandwohuti sang mṛgeśwara,
bhoh he kitang mong bibi aywa mangkana,
nyātāku hetwang mahurip nṛpātmaja.
