68
nguniweh ta sang tapa kawĕs giri - girin-
ika mūrtti ning hulun
karaṇa ngku yan suta subhojana ri pamatĕk-
ing hilālapa.
12. Śubhawākya mangkana rikā nṛpa suta saha luh
nirantara,
siliḍiryya rakwa kaherĕp nira matalanga jīwa
sakṣaṇa,
taḍahĕnya tan swanga lamun mahuripa wka
ning mṛgādhipa,
paramārtha dharmma ngusirĕn karuṇa ri lara
ning nirāśraya.
-- 0 --
1. Nāhan ling sang narendrātmaja parama sukāmbĕk
nikang satwanātha,
tendwoḍanyāng huwakĕn wka nika malajĕng
mungsireng deśa durgga,
amham yen ton sirang bhāratakula pamĕpĕg
ning wayah yowanānwas,
hetunyār-angsa yen garjjita madĕg-i harĕp
śrī mahārāja putra.
2. Prodbhutang hakṣi mulyār -/- siyung-ika
malungid katarangap nikalwa,
karwang haṣṭātitikṣṇāringi - ringi rumakut
yyār ngga sang nātha putra,
mumbul sangkeng jajādṛa gĕtih-ira cinucup
denikang satwanātha,
glānānglah citta nirbāṇa ya rinĕgĕp-iran
mantukeng buddhaloka.
