64
he sang durmuka sywa mangkana wuwus nṛpa suta lawan muniśwara,
tan dedyā muni boddhapakga satatāmati-mati makabuddhi mangkana.
9. Āpan rakwa bhaṭāra buddha sira satwa karuṇa sahaneng jagattraya,
yedyen śatru tkap nireki juga tan pinĕjeha nira kewalāhning,
jñānāṣa minuṣṭi rakwa makaśastra pasukakĕn-i citta ning musuh,
byaktang krodha mamūrtti satwa manukula tkap-ing-ati paṇḍiteng manah.
10. Yokā rakwa tinūt nirang sugatapakṣ satata magawe jagaddhita,
ton ngūnī ngwang-i göngta rudira sakaleng guṇa mahli kaśāntan ūttama,
34.b. mangkā tā -/- ka kabuddhya sang gajamukāngla-wanang-uraga śakti digjaya,
sambyān rakwa parikṣanĕn gati jināsmaraṇa karaṇa ning jayeng raṇa.
11. Nāhan ling jinamūrtti durmuka ri katutur-i sapawkas nireng dangū,
sāmpun rakwa lĕpas manahnya yuga pāt mamarĕngi ri maneh nṛpātmaja,
kepwārok mapisan tkeng bhujaga padma hṛdaya sire jīwahāraka,
glānang nāga wimūrcca kasĕp-anibeng kṣiti malupa ri dhagdha ning hati.
--- 0 ---
