62
sor tekang wiṣa denireng kujana tirtha tmahan-ira ring mahārddhika,
yekā hetu nirang gajendramuka tan papaḍa tkap i tibra ning lara.
2. Tĕkwan hyang gaya rakwa sah sira sakeng asura matutur-ing kaśāntikan,
dening jñāna wiśeṣa śakti rumakut ri wuyung-ira rikang jagat kabeh,
lāwān wruh sira yan narendrasuta buddha-sakala magawe jagatdhita,
nāhan hetu nirān mulih sahalawan surapati saha dewatāngdulur.
3. Ndan sang kāri wimohita hnĕkarĕn nangis-alara mamīnta jīwana,
ai sang śrī sutasoma piṇḍa hapa tāku matlas-ana hingsakojwala,
māna krodha kaṭungka tan huninganĕn tilarakna ri satwa ning hati,
sangkā yan lara ning manah bhiduradharaṇa pjah i lalista ring hulun.
4. Yekā hetu nirān wawang malap-ikang bhidura maluyi śuddha ning manah, -/-
33.b. śighrānĕmbah ikang gajendramuka bhaktya sikara ri lĕbū ni jöng nira,
pāṇḍyāgurwa ri sang narendra suta ling nika mamaha suke nypatmaja,
yogābyāṣa rikang girindra tumute salaku nira mahāyaṇa brata.
