59
2. Muntab teja nikāgni kātara sakeng kumbhāti-rodrān kutug,
mwang mangkeng matasūryya wimba dumilah mwang bāyubajrāngasut,
syuh bhaṣmyāng wana wṛkṣa satwa katunu lwir pārwwatāgnyujwalā,
ūṣṇang swargga tkapnya durbbala salah dhyānang watĕk dewata.
3. Tindak lwir bubulang mahītala blah kombak wwaying sāgara,
kālembang kapalumba - lumba mawĕrö jong phalwāran karĕm,
menggung tang īmawan prakampa kadawut bungkah nikang mandarā,
gambhīrānguluwung katon natar ikang nāgenra māwṛg ta ya.
4. Ghor - ghorang giri rewatekana rubuh glānang tri loka kṣaya,
dening krodha nikang gajendra muka śabdā-tryāngalun garwwita,
āyay kṣatriya pāpa duṣṭa lihat-iking-hasti-waktrādbhuta,
yadyan bhūmi sabhūr bhuwah swah-uyĕngĕn byaktātmah sāgara.
5. Sasiptan laku pet kaka nyu -/- kĕt-ikang śakti [32.a.] jagat kottama,
mwang rāmanyu si hastinendra pinangĕn sakweh nikang bhūpati,
