58
8. Yapwan wirodha wihangeku manahta mangke,
hingsākuru pwa wala de nika duryaśanta,
byaktang swajiwa matupis gupa śaktimanda,
de śrī narendra sakaleśwara bhūmipāla.
9. Nāhan wuwus nṛpasutāmuji sang narāryya,
marmmānumodhana ri sang gajawaktrarūpa,
durwaktra hewa ya tkap naranātha putra,
hiṣṭanya cañcala bangun gajawaktra krodha.
10. Dhikhah kamu ṇṛpasutādhama bhāratangśa,
bhanggābhimāna juga tan tuhu sādhu ring rāt,
jambat wuwusmu paracidra mahāwiweka,
liṣyāmu duṣṭa kuhakāmutungī kadi ngwang.
ll. Ndin wīra rāja wnang-adbhuta matyanāku,
brahmārṣi wiṣṇu kawĕs suranātha kumyus,
hinghanya sang prabhu kakanyu si dhataputra,
mah dĕra rodra mihateki tkapku ring prang.
-- 0 --
1. Nā lingnyān matmah tri wikrama magöng tang rūpa ghorāhirĕng,
krūrāngganya catur bhujā kawasakĕn yān mūrtti sanghyang gaṇa,
31.b. sātu -/-s teka gaḍing nikā ringī ringī lwir mṛtyu sākṣat murub,
nāgendrāpama tulya ning tulalayādbhutā ta medhālangu,
