54
nimītta nira yan harĕp wruha rikang gajamuka makawīghna ning jagat,
/29.a./ malar sira wnang tumanggĕhana tan da -/- hata
nika makaryya duryaśa.
-- 0 --
1. Ya hetu sang śrī naranātha putra,
parah nikang wṛkṣa lawan mahārṣi,
katon tikang balung amarwwatāgĕng,
kaphāla śelanya prangnya danta.
2. Dukūla lāthanya dukutnya roma,
wḍing - wding wastra rujĕt sukĕtnya,
hatur nika satwa jana prakirṇna,
pjah tkap - ing gajawaktra mūrkka.
3. Byatīta lampah nira śighragāmi,
tkerikan gadgada durmmukāhya,
mĕlĕd mangilwākrak asiṇḍughoṣa,
prakopa yar ton naranātha putra.
4. Ahosyapekong nara dibyarūpa,
tkeyyaku mwang rĕṣi śūddha warṇna,
lĕwĕs ri tan wruh rikang parāna,
lugeng-urip parwwata langghyana ngke.
5. Ndhya teku karyyanyu dumeh para ngke,
gendra kāgāpati dewa towi,
taman ta menghadri suka swabhāwa
tkapku jīwā kgaya ring wanādri.
