53
10. Nimītta nika yañicaturbhuja bangun paśupati suta ring prang ādbhuta,
28.b. gaṇañjaya sirā manugraha -/- ni ngūni ri patapan-ikeng himālayā,
tinūtnya pangaran si durmuka tkap nira karaṇa nikojwaleng raṇa,
bhaṭāra tuwi tan mnang mjahaneriya pamuput-ikang anugraha.
11. Ya hetu nika yan wnang mamati sesi ning-acala mṛgādi bhakṣana,
tkeng jaladhi mīṇa durbala tlas pĕsu tika rinamĕs lawan mumul,
muwah sahana sang tapaswi karikā saka sasiki cinidra ring wngi,
arĕs giri - girin sahimbang-ikanang giri tka ni ngare nikang wukir.
12. Kalinghan-ika aywa maskun amnĕr manalajung-irikang kĕpuh magöng,
mahābhaya tmĕn yadin kita kaciryyana tkap-ikanang mahāsura,
nihan tutĕn-ikang awan manngĕn ing gĕgĕr i lĕpit-ikang gunung kidul,
rikan tumḍun-ing jurang prawala tan kahawa-raṇa sinādhyaning manah,
13. Sirang nṛpati putra mogha wihangākral ipa-sayut i rāryya pāṇṭita,
kacātrika nireng jagat tumuwuh-ārddha tka mawlas-ing kamāngsaka,
