51
3. Kitāwacana buddhi mūdha ri siran balik
ika kita mūdha kaśmala,
pitowi sira buddha mūrtti ring-apan sira
27.b. kawatěka / ring punarbhawa,
hana pwa gati ni nghulun sama mapakşa
sira siwinĕn-ing jagat kabeh,
takutkwi ruga ning tri loka ri huwus nira
ratu maluyeng tapowana.
4. Nahan ling-ira dharmma mūrtti tětěs ing ka-
huwusan i sinādhya sang wiku,
muwah sahana sang munindra sama māstwa kni
wuwus-irāti paṇḍita,
kunang rasika sang sinabdan apa tan sahur-
asmu wirang mungis-mungis,
nimītta nira yan milag kadi rare cala
katngĕr i duhka ning manah.
5. Samāntara ḍatĕng tikang sura sa bhojana haraka bhinukti tan kurang,
kilang bṛm ika śūkla rakwa pangĕh muniwara sang nṛpātmaja,
byatīta ri huwus nirānadhaha nindya suka
sira tkap muniśwara,
narendra suta kapwa mamwit-i munindra ka-
hněngan i deniran laku.
6. Nda śīghra ri lĕpas niran pramuka keśawa
dumuluri sang nṛpātmaja,
talun - talun i parśwa ning wukir-aneka kayu
rĕbah-i pinggir-ing hawan,
