50
yan miśrā kalawan bhaṭāra kta yan śakrādi tapwan harĕp,
nghing sanghyang paramārtha buddha kiñĕp sang sīddha yogīswara.
7. Lingteki -/-n wiphalang tapenulahakĕn de
27.a. sang mahākṣatriya,
mon hyang mon wara kīnarendra suradāthādinya tan wādhakan,
tonĕn hyang parameṣṭi rudra matapeng merwādiparwwālama,
hyang ning hyang sura ning sureka matapā ndhyānung pinet denika.
-- 0 --
1. Kalīnghan-ika tan haneki hala ning tumuta kni manah munīśwara,
kalīnghan-ika sang narendra suta mānuṣa sinaput i śakti ning tamah,
bhaṭāra towi nora lena saka ring tapa wiNangun-ireng tri kayika,
haneka malihang pinet nira turung katmu tinmu ning tutur hidĕp,
2. Awās kita rike manah sang-anmū krama tinmū ni sang huwus licin,
sirānmu ndatan pangaku yan katmu rusit i sandi ning hiḍĕp,
tangeh yan-ucapĕn tawās twan-ira ring tri bhuwana ring-apan kapanggiha,
prasiddha ng atiśunya margga kinñĕp nṛpasuta tinut-ing manah lĕngöng.
