48
yāwwat kaliyuga jinamūrtti sang prabhu wnang
tri bhuwana śaraṇa,
26.a. tāwwat salah-ika niyatang -/- sarāt manmu
duhka haruhara sada.
2. Ling śrī kṣititala huwus nirān praṇata
mūkṣa mamarĕngi kḍap,
swāpnopama ri hiḍĕp-irang munīndra sama hārṣa-
ja mihat i sira,
kapwānut i sawuwus-irang mahīdhara lĕwĕs hayu
nira pitutur,
sakṣat wayulih ing-amutĕr tasik tkap-
irāmṛta ri yatiwara.
-- 0 --
1. Ndan śrī bhūpati putra tan wawarĕngö ting-
kah bhaṭārī kṣiti,
māyābaṇcana rakwa ling nira tkap ning
buddhi nisśangsaya,
yekangde lara sang mapotra karuhun sakweh
ni sang pāṇḍita,
Sangke wlas nira ring tri loka muharang
luh mārpawan ring wijang.
2. Wwantĕn teki muwah mahārṣi mawuwus sobhā-
hangan ring manah,
he śrī bhūpati putra aywa kta mangkāmbĕkta
mūdheng jagat,
nīccā śāsana sang narāryya yadiyan lunghā—
mrihang śūnyata,
tirthāmet wiṣa saḍhraṣanta wiphalang swar-
ggā madadyā kawah.
