47
wiśirṇnang strī drohipriya suta pitā dweṣa lumari,
25.b. hanekang dharmma sthāna kuṭi ka -/- wanan tan
hana mulat.
4. Daridrākweh dātasugih hakumĕd-atyanta kasihan,
dhirā luh tang pāpituna hurip-ikāng buddhi
kuśala,
kulīṇa dāśālpang kujana ratuising māna siniwi,
pratingkah ning rāt yan kaliyuga sukāmbĕk
diya diyu.
5. Ya tāngde kleśangkun rasa bubulan anggang
kṣititala,
tkap ning mūrkkātyanta kujana mahānāraka rasa,
kasĕnggwan dening rākṣasa sudaśaputra prabhu
ta ya,
alah bwat ning sāptāṇda girigaṇya denyādbhu-
ta tmĕn,
6. Tuwin meh prāptāngekajaladi tmah ning
tri bhuwana,
wināśang rāt norang daśadiśi amöng
tan patuduhan,
bhaṭāra hyang śrī buddhaśiwa winayācintya
kahiḍĕp,
tkap ning gālaknyādbhuta danuja nā mangda
di ta ya.
-- 0 --
1. Māngkā ta tmahan-ikanang jagat yadikitān
nalĕmĕha siwinĕn,
āpan ta ya humjahane kaéaktin-ikanang
sudaśa suta ripu,
