46
25.a. sang nṛpa putra tan wawarĕngö -/- sira
ri pamidhi sang mahāyati,
nghing parameṣṭi buddha kinṇĕp nira tulusa
mahāyaṇa brata.
-- 0 --
1. Sdhĕng kepwan sang paṇḍita sira tkap sang
nṛpasuta,
blah tang bhūmī ngke harĕp-ira mangang te-
ja dumilah,
bhaṭārī sanghyang ning kṣititala mijil bhā-
swara katon,
catur astānindyābharaṇa muka sākṣat śaśadhara.
2. Rikan praptānĕmbah sira mkul i jöng bhārata
kula,
gĕyuh tan śobhāngluh malara rumngö reh
nṛpasuta,
ahā sang śrī śāstrātmaka lihat i bhaktingkwi
ri kita,
praṇamyanggĕh donta yadi jnĕkeng kānana sabha.
3. Ri tan somyanteng bhūmi sahana muwah ring
kadi kami,
awās tang rāt syuh durbbala ri pamatĕk
ning kaliyuga,
mahī nirwījekang rasa nirasa tang niccha
sulabha,
narendrā telik ring parahita mahādharmma wisata.
4. Tumut sakweh sang pāṇḍita paramawīprādhikaluṣa,
ndatan manggĕh widhyākrama nira tunājñāna
wimala,
