4
10. Tuṣṭambĕk śrī mahāketu manĕmu -/- paramā
/3.a./ nugrahā hyang jinendra, śīghron ampĕh nirang yoga wkasan-umijil śobha sangkeng pahoman, prapte ngkaneng sudewī sira mawara - warah yan huwus labda kāryya, byaktang rāt swastha cūrṇnang kali hĕlĕm-i wijil śrī mahāśakya singhā.
11. Ndah śīghrang kāla tandwāngiḍam-īka sira sang śrī mahārāja putri, hārṣāmbĕk śrī narendrāngariwuwus ri manah sang sḍĕng kesyanāmrat, pūjā mantrā stuti mwang sayu - sayut-iniwö-homa yajñānukāri, sakweh sang bhikṣukācāryya nagara humiring yoga sang śrī narendra.
12. Ndah sakweh-kweh nikang stri dalĕm-ika rumngö garbbhinī śrī supatni, wṛddhā lek śīghra molah wtĕng-ira matutur sang haneng garbbha dibya, liṇḍū tang bhūmi tejā narawata dumilah trus tĕkeng swarggaloka, hung hung ning dewa sangghyeng langit-ajaya-jayan sottaning buddha janma.
--0--
1. Atha ri sḍĕng watĕk hyang-ika yan pamūrṣita mamuṣpa ning nāgara,
