43
23.b. dhū mangkana kaki -/- ya nimītta ning hu-
lun-umungsi ring halas-alĕyĕp,
rĕs ning kinira - kira kinon gumantya siwin
ing bhuwana sukakara,
bhūphālaka giṇa ya tkap narendra muharātangis-
analahasa.
2. Wet ning kajugulan umatĕk kahīnaning amūrtti
ta karaṇa nika,
dūran wnanga śaraṇa ning jagat nguni - ngunīn
wihangana malaga,
āpan sang-inabhimata ratwanindhya paraṇa-
sṭaguṇa nira hana,
singhā kṛtti tuhu - tuhu singha bhūpati jagat
pati ngaran-ika.
3. Ndātan hana nika wiparīta yan wnanga bhūpati
jaya wijaya,
nghing rakwa wanagamana muṇḍyang enaka ri
sang putu paramamuni,
denyan mamurangana gĕgĕr manambungana linggih-
ira sang-atapa,
mwang dening-apningan-ing-adri rakwa makire-
Patapan-i karĕsĕp.
4. Nāhan wacana nira ri sang munindra jngĕr - epu
Mangĕtĕki hati,
om sang nṛpa suta bapa aywa mangkana jagat
Kasihana rumuhun,
āpan niyata hilang-ikāng tri loka tkap ing
sudaśa ripu,
