38
7. Glānang mahārākṣasa tan wnang mingĕr,
de śrī narendrātmaja śakti digjaya,
hetunya tibra lĕk aminta jīwana,
bhaktyātiśantarĕs i jöng mahājina.
8. Lāwān muwah śabda nikang mahāsura,
21.a. bhoh ndhyā -/- ku hetuntā nimītta ning jaya,
āpan rare tan masa ning mahottama,
śaktyādhika ndin hana dewa sātmyaya.
9. Nā lingnya māngārjjana mūrtti digjaya,
krūradbhuteng rāt karagangku śaktiman,
nyāng bhūr bhuwah swah kawnang kacūrṇnitan,
ndhyānung muwah yāmagutangkwi ring raya.
10. Ngkā tekanang yakga maminta sih nira,
mahyun wruhe sang pinakeṣṭya pālaga,
tan dadya ling sang jinamūrtti dūrllabha,
yan tona dening hati mūrkka ingṣaka.
11. Hetunya mārdhyādhika ing sakojwala,
manggĕh ri somyā nikanang karākṣasa,
hyun - hyun manah śrī jinamūrtti tanggapa,
śīghran sirojar wara dharmma deśana.
--- 0 ---
1. Samangkana tĕwĕk nikān matapa ring giri
sumkung i mugti ning hidĕp,
nirāgraha ri śakti ning tri mala ṣad ripu
paḍĕm-ika denya ring manah,
