35
13. Wkasan atiki sanghyang somyāwlas ri narapati,
rikā tumuluy-aśabdāstwāsūnwāka musu bala,
tuwin-atiśaya ring rāt śakting prang jaya
suyaśa,
ling-ira tĕhĕr-umūkṣān tuṣṭāmbĕk bhuwanapati.
14. Karaṇa niran-umantuk ring rajya magĕhi pura,
rahina wngi mangekā dhyāyi hyāng smara pinupul,
dumadak-amahi rĕsrĕs-rĕsrĕs śrī nṛpa mahiṣi,
tan arĕn awdi kāngĕn rūpa hyang widhi kasusu.
15. Ri pangiḍam-ira mangkin tar māryyāsmu gigirĕn,
lalu diwaśa mijil tang rāryyādbhuta tan-ahajĕng,
kagiri - giri daśābāhwānak śrī nṛpa mahiṣi,
prawala kadi mijil hyang durwaktrān saka
ring-ibu.
16. Salihat-ira sudewī ring putrāśiga malayu,
Sahana - hana nikang strī kāpwārĕs mihati sira,
19.b. nṛpati sira -/- mnĕng tan pojar ngĕri hati,
manĕsĕl i gati ning tan tingkah ning mapahutana.
17. Trika nṛpati motus ring wīrāngañutang-anak,
labuhĕn-i tĕlĕng-ing lod wet ning tan su-
ka mihati,
wahu ta sira sinambut lĕs - mukṣāmarĕngi
kḍap,
ri waluyira hilang tang hastākweh smara
saḍraṣa.
18. Sahapatĕr adulur mwang liṇḍu göng prabhawa nira,
