34
7. Malwī sirāminta ri sih ni sang kakai,
aptyā rumĕngwā prabhu dhatrajādhika,
doning mahāwīra jagat paraśrayā,
śaktyādbhutā göng dadśabāhu ring laga.
8. Om sang narendrātmaja mājara nghulun,
tingkah nikang dhatrasutendra digjaya,
śrī candra singhā tiki ngūni pūrwwaka,
nā patya duhkān sira sah sakeng pura.
9. Sang rewatī strī nira satya subrata,
rowang nirang lungha wmusir wanantara,
putrārjja pinrih nira dhīra ring raṇa,
sūkṣmā tadin rājya tan wruh-ing bala.
10. Prapteng ukir pañca patirthan-ūttama,
dhyāyī sire madhya nikā ndatan bĕsur,
akweh mahābañcana tan sinangśaya,
wwil bhūta jöng masthaka rodra kātara.
11. Kirṇnang kawaṇḍāngidĕring nareśwara,
sthīran pagĕh buddhi nirān mamet hayu,
ait rĕp turun hyang widhi ghora göng galak /
19.a. sarwwastra yekān daśabāhu rūpaka.
12. Śighran tkānambut i sang nareśwara,
lwir kadyangulwa naranātha tar wihang,
śrī rewatī glāna kawĕs mihat sira,
yekānangis makrak-aminta jīwana.
--- 0 ---
