311
12. Len pwekang pisalin suwastra rinawuh rawuh-
akni sirang watĕk ratu,
sakweh-ing bala wīra sangghya dinuman sahana
nika sinung ya tākrama,
rāmyā wwang manginum paḍa waneh- ana mangigĕl-
ikang silih duduk,
krūrākāra sahāstra rakwa kadi polah - ika
ri sḍĕng-ing prang-ādbhuta.
13. Ḷen tekang mangidung hanan pakakawin lĕngĕng-
i harĕp-i sang nareśwara,
dudwekang mangucap jurit paḍa taman harĕp-
alaha paḍānawut rawis,
drak śighran tka tang sḍah saha lawan kusuma
wangi huwus winārttakĕn,
mrik tang caṇḍana mar kapurnya rumawuh suma-
rasah-irikang baleng yawā.
14. Tan ngeh yañ caritan gatinya mulih nṛpati
ri surup-ing diwākara,
sakweh sang para pārthiwekan - umareng wgilan-
ira lawan balāngdulur,
sāmpun rakwa gnĕp pitung dina lawan nira
sinungan - indya bhojana,
ngkān pamwit sira matukeng pura huwus paḍa
sinungan-i de nareśwara.
15. Ndan sang śrī puruṣāḍa / rakwa sira tan
/154.a./ harĕpa maliha ring swanāgara,
ngkāneng mandarapārwwateka kahanan rasika mu-
lahakĕn jinasmṛti,
