310
ndā śighrā hudan āmṛtādṛe umilī mtu saka ri bhaṭāra bāśawa, yakāngde hurip ing pjah paḍa huwus praņata ri suku hastineśwara.
9. Tan warņnan tka ring swarājya suka garjjita sahana nikang wwang ing puri, mukya śrī parameśwarī, mwang tang strī rabi ning prawīra paḍa tuṣta ri tka ni snöngnya gorawa, ramyang wwang mawarah yyulah ikāprang amuk inamuk paḍāmamuk.
10. Rěp prāptang wngi tan wiwakṣa ni manahnya paḍa ta kawalan silih pkul, eñjing rakwa mijil narendra huningan huwus aśuci mabhūṣaņa halěp, ring rangkang maņi kostubheki kahanan nṛpati pinarěk ing bāladika, kirņnang wwang madawuh-dawuh lyan alarih miděr i harěp astunggalan hajěng.
11. Tampo mwang pangesih kilang bṛm umilĪ lumari paḍa haneng pucung guḍu, 153.b. rombeh -/- mwang guci sewu lakṣa hiběkan pěṭaramalahar ing balākrama, lwir guntur mangalih tikang skul aneka sama marwwatang hajőng, len taking sinikang pasir wukir lawěě-lawě hanek warņnana.
