309
5. Tan ngeh yan huningan manah nira tkeng paramaśiwa tlas winahyakěn,
mwang tang ṣad tanu yoga rakwa ya huwus sasiki riniñci ning manah,
mukyāng adwayayoga rakwa karuhun pawarah-ira ri sang rwa guhyaka,
ndātan bheda lawan warah nira ri sang gajamuka pawarah nareśwara.
6. Byātītan ri huwus nirāmarahakěn wara-warah-ira sang munīśwara,
māntuk śri naranātha kāri ta bhaṭāra sira wiku mahāyaņābrata,
ndan sang śrī puruṣāḍa rakwa kalawan para ratu mangiring nareśwara,
mwang sākweh para rājaputra sama mangduluri sira mareng gajahwaya.
7. Ndah śighreka bhaṭara śakra tka manghalangi ri laku sang nareśwara,
kapwāsyang ḍatěngeng surālaya narendra tumulara ri sang dhanānjaya,
153.a. āpa -/- n sot nira rakwa yan prabu jayāntaka marěna kaṭungka ring jagat,
mangkā ling nira sang narendra tumulak sira ri punagi sang sureśwara.
8. Nghing pintangkwiki sang sureśwara lakun ri kita huripan-ing mating raņa,
sākweh sang prabu māti rakwa huripěn saha bala kalawan mahāsura,
