303
marin - umlöd bangun kaluputan tanūt krama
ri nāga rodrādbhuta,
apan - aku sang pakeṣṭi ni manahta rakwa
kahiḍĕp mahābhojana,
/150.a./ bali -/- k agawe wiyoga hiḍĕp - ing hulun
kita mamukti tan sangsaya.
---o0o---
1. Wkasan bhaṭāra mawuwus siran - ataña ri
sang nareśwara,
ring - arĕp narendra sapa tang laku katakut-
i sang narādhipa,
taya ling narendra juga tan wdi ring - asura
daitya dānawa,
jana dewa towi pati jīwita nika karĕs -
ing hulun kabeh.
2. Nghing - ateki pāpa kawdingku kanarĕsak ning
menah tmĕn,
ndi ta pāpa lingta kita dewa ni laga
kugawenya dewata,
sṛbi yan tumirwa ri kitāmati - mati ring -
ulahta hingsaka,
mangalĕm matāku yadiyan talĕra kita mahā-
sureng jagat.
3. Miyateki bhūta putanāmdi - mdi makabuddhi
kāsmala,
ya tmahta rakwa mawĕwĕh mala juga yadiyan
kaduryaśa,
kalinganya aywa kita ten gĕmĕ - gĕmĕn -
irikang śiwāsmṛti,
