Kaca puniki sampun kauji-wacén
298
4. Kālinghanyāku tan tuṣṭa,
mangka ri patya sang nātha,
bālikan mantukang rājya,
ngwang milwa gurwa ring kita,
5. Sawkasta tutūta ngwang,
saśilantan - umīlwāku,
hingsā dwaṣa kramā bwangĕn,
lamun kiteki -/- jīwana.
6. Nāhan ling poruṣaḍojar,
tugṭāmbĕk sang śrī narendra,
nghing tan wandya sirañ carwa,
carwā ring hyang mahākāla.
7. Ya hetu sang mahāyakṣa,
kepwan tan wring nayānangis,
muwah sakweh watĕk nātha,
mānāng mkĕh sirāsayut.
8. Rikā hyang śācipatyojar,
tan yogyang kala mangana,
parameśwāra tan dadya,
makolihang jinātmaka.
9. Nāhan wuwus nirang śakra,
sighrāmūr māntuk ing swargga,
mangkat prabhu mahābuddha,
hyang kālaweśma ngungsirĕn.
