297
18. Na ling narendra lĕga jiwa mahātiśuddha,
yekan sumapwan - 1. rajah puruśāḍanātha,
[147.b.] karunya cī -/- tta tumuwuh maśmi swacitta,
metryāpagĕh twas - askar muditāngupekṣa.
19. Mangkin kacitta magawe dṛs luh niramwas,
kāngĕn ri pāpa nira mātyana sang narendra,
sor pāpa ning mamati lĕmbu sahaśra kaṇḍang,
pan tan sudoṣa sira kewala bhūmipāla.
20. Towin mahārddhika tmĕn sira śaktimanta,
sanghyang maheśwara sirārĕs-apiṇḍa kepwan,
ring rūpa nora maḍane sira mānmathābha,
eman sireki tadahĕn hyang-anantakāla.
--- o0o ---
1. Nāhan ling hāsure twas mār,
kāruṇyang buddhi satwīka,
tinūtnya bhakti jöng nātha,
kāwāśang jñāna nirmala.
2.Hāh - ah prabhu sutasoma,
sang sāksat buddha dewata,
lihat sĕmbahkwi sang nātha,
umandya donta carweka.
3. Lāwan ta yeka he tunta,
prāpteng sanghyang mahākāla,
āpan sotku satus sāmpun,
mūrkkanyāngde harĕp muwah.
