296
12. Ngkā sanghyang-indra mawuwus ri mahāsurāgra,
he rākśasendra mapa donta mamūrtti sanghyang,
mahyuñ cumarwakna sang prabhu hastinendra,
ling poruṣāḍa sumahur ta bhatāra sakra.
13. Do aywa -/- mangka kita mangga elrang narendra,
[147.a.] ngūnin tutut nghing-ikanang para rāja wangla,
mangkeng hulun masih-ire riya yar wikalpa,
nā ling surendra mawuwus prabhu ratnakanda.
14. Ai śri narendra jinamūrtti kitādirāja,
singgih mateki śubhawakya nirang surendra,
om ling narendra ri mahāsura porusāda,
tuṣṭāku matya tadahĕn hyang-anantakāla.
15. Yadyan pisaca gana dānawa bhuta yakṣa,
salwir ning-aptya ri tuwuhku makādi dewa,
ndin tāku yan wihanga towi bhaṭāra kāla,
āpan sireka kahidĕp śiwabuddha margga.
16. Lāwan ta sang ratun - umisyana carwa sota,
nghing ngwang mateki kaharap tadahen bhatāra,
bhāreki rakwa sira yan tuhu śrddha citta,
panggil wnang karana sang para raja jīwan.
17. Sangsipta tāku larisämrih - acarwa mangke,
ngke - ngke ta sang prabhu mahasura aywa dūra,
sasyandanāku kalawan kita yogya rakwa,
tan sangsayanta ri glömkun unangga matya.
