295
6. Akṣobhya tatwa kitang - iśwara dewa dibya,
hyang rātna sāmbhava siroki bhaṭāra datta,
sanghyang mahānara sirāstam ikāmitāna,
śryānoghn siddhi aira wiṣṇu mahādikāra.
7. Ndah kāntĕnanya kaharĕpkwi bhaṭāra mangke,
sonyāmrihātutura ring śiwabuddhatatwa,
ndah yaka tinggalaknang tanu ghorarūpa,
[146.b.] tan ghora hatu -/- nikanang sutasoma carwa.
8. Ling sang watĕk sura humung saha puṣpa warṣa,
ndātan marin huyung-irānglĕburang trilokā,
hyang śakra yekan - umutus ri narendranātha,
kāpwaāisārjja nira duhka bhṭāra ring rāt.
9. Ndah śighra sang prabhu tutut ri wkas surendra,
boddhyāgrimudra wkasan sireka citta,
hyang bajra tikṣṇan - umijil kadi sūryyarūpa,
sangke narendra rumakut ri huyung bhaṭāra.
10. Rĕp śanti teka matutur ta bhaṭāra rudra,
yan sang narendra sira janma bhaṭāra buddha,
ngkān sonya sah sira sakeng puruṣāḍanātha,
sūkṣmātiwegha kalawan para dewa sangghya.
11. Ndan sang kawuntatika mār gupeyanglih-ambĕk,
mūrccānibang kṣiti laling prang-anindyarodra,
enggal matāngi tumuluy masurārddhana mrih,
ndā tār valuy gati nirang parameśwaranglĕs.
