294
mwang tekang giri saṇjateka rumawuh dadi parigi rĕmuk sakeng tangan,
tan hopĕn tikang-agnibaṇa ya huwus dadi banu mahning hanong raṇa.
o0o----
1. Ngkā krodha sanghyang- i tlas nikang-astra bhagna,
kālagnirudra wkasan sira bahnirūpa,
krūra hyun-anghawaknang bhuwaneka cūrṇna,
sāmpun mayat tutuk-irāmanganang triloka.
2. Ghūronang watĕk hyang umulat pada bhita śanta,
brāhmādi wiṣṇu tumurun saha sĕmbah -/- agya,
[146.a.]śakradi len baruga dawa yanang dhanendra,
milwang kuwara kimutang gaṇa len kumāra.
3. Mwang sang watĕk rĕśi kabeh saha dewamantra,
manghyang ri tan tuluss ning muburang triloka,
mojar gurungku kita aywa bhaṭāra mangkā,
homan yaśanta 1ĕburĕn turung - ing yuganta.
4. Yadyan sahaśra yuga rakwa dhiranta ring rāt,
dhirod bhutāngalahala prabhu hastinendra,
dūran wānangta juga pan ratu buddhajanma,
hyang buddha tan pahilawan śiwarajadewa.
5. Rwānaka dhatu winuwus wara buddha wiwa,
bhinoka rakwa ring-apan kna parwanosĕn,
mangkang jinatwa kalawan śiwatatwa tunggal,
bhineka tunggal-ika tan hana dharama mangrwa.
