28
1. Śighrāṇ datĕng ta -/- sira ring patapan
15.b. surāmya,
Sakweh mahārśi sama harṣaja tuṣṭa citta,
hyun - hyun tuminghal i raras nira dibyarūpa,
praptāngnĕs kadi mure kdap ing tuminghal.
2. Ngkāne wit ing bhujaga puṣpa siran panganti,
līlāngungang jurang-i sor lĕngit-āprameya,
ndan sang rĕṣi prawara keśawa labda yoga,
yatnan pasanti wihikan ri sirang narāryya.
3. Dhū bhagya sang prabhu sutādhika bhāratangśa,
sākṣat tan ing rati hiḍĕpkwi ḍatĕng ta mangko,
pintĕn purihnya phala ning wara yoga siddhi,
mangke tkanta sakala hyang-ananta buddha.
4. Hetunya mangkana mahārddhika harṣa ningwang,
yan ton narāryya niyatang giri bhūmi śuddha,
nghing sangghya ta nghulun i denta tkā swadeha,
duhkottama prawala ning mara nissahāya.
5. De Rakryan tuhanku mapahetu ning-osah-ambĕk,
tan dharmma ning kadi kitā jnĕkeng wanādri,
prih tānayolahanungenaka ring swarājya,
16.b. byakta prasutwa tinmunta jayeng tri loka. /
6. Tĕkwan prabhāwa ni tuwuh ta mahāmṛteng rāt,
śāstra jña śakti gunamanta śuśila buddhi,
tan len gumantya ri narendra jagat pramāṇa,
sāmpun suwarddhana wuwus prabhu hastinendra.
