279
Kagyat tang bala rākṣaseka ya makin
sang śāla māmuk sira,
mātūs tang bala detya bhūta ya pjah kārun
tkeng wāhana.
12. Krodhang rākṣasang - indra_bajra ri pjah
ning wīra mantring raṇa,
sāmbut śrī nṛpa putra śāla winatheng ngākaśa
sāmpun lĕpas,
śrī dhatrātmaja kepwan ing daya mihat
mwang hastinendrātmaja,
tĕkwan de ni larut watĕk ratu tkap sang
śrī mahārākṣasa.
13. Dhīrāmbāk nṛpa -/- putra śāla rinĕbut ning
/138.b./ daitya yakṣeng Langit,
akweh tang maharĕp mamatingakneng pārwwatā-
grong śila,
rĕp śighran patutur prajāpatī sutāngśa śrī
narendrāṭmaja,
mabwat lwir girirāja tandwa kapisan tang
daitya sāmpun tiba.
14. Prapteng bhūtala ghora yar walĕs - ikang
wīrendra bajrān pjah,
sakweh - kwehnya wiśirṇna pinrap - inulĕng
de śrī narendrātmaja,
krodhang rākṣasa sewu lakṣa pangawak śrī
rātnakaṇḍādhipa,
ndah yekan pinupuh nireki ya rĕmuk kabwang
tkeng ngambara.
