278
8. Mundur śīghra parĕng tumandang - apulih
lwir nāgapāṣānggraṇa
yatnang ḍaṇḍa wiḍaṇḍa sang rwa ri ruhur
kapwāhurup tunggangan,
sakweh sang prabhu wīra yodha lumihat
ghūrṇnang swarāngadwakĕn,
syuh bhraṣṭang gaja kumba bhaṣmi kapupuh
mwang sārathinyan pjah.
9. Gĕk ghyor kāṇḍĕm - ikang -/- gajendra kaguling
/138.a./ rāmyang prang-atyadbhuta,
krūrangkālā wimona dhīra mapluk ring bhūmi
tandwojwala,
kapwāñidra cinidra yeke kapupuh tĕnggĕk nikang rākṣasa,
tambis mātya tkap narendra tanayān mūrccānibeng
bhūtala.
10. Śighrodhāni ta yeka tandwa matutur yan kāla
mūrttyeng sarat,
sthūlang deha catūr bhujākrak - umasö
māwṛg watĕk kṣatriya,
nghing sang śāla jugeka dhīran - umanek
yyarnggā bhaṭārāmupuh,
ndā yekān kasikĕp sirenayat - ing - angkueyāgre
tikṣṇomigĕl.
11. Yatna śrī daśabāhu bapra panulung sang
śāla kepwan sira,
trus tĕnggĕk nikanang wimona katugĕl de
śrī mahābhūpati,
