272
8. Nahan ling sang mohut ri sira matutur śrī narapati,
ilang sanghyang rudṛāsṭra pinadĕm - ireng citta sumirĕp,
samangkā rakwāhyun měsata sira sangkeng raṇa sabha,
mareng doh rakwāngantyakna ri wibhuh ning ripu hlĕm.
9.Rikan kepwan śryāwanggapati sira de dhatra tanaya,
prakopāmūk tañ jrih pinupuh-anikĕp dagda tinikĕl,
thĕr mangduk ring tomara linuputan dhīra mangusi,
sahojar wāk sampay guragada wuwus lwir glap ahöm.
10. Arah maṇḍĕg dawantaka lihat-i tāntĕnta kapugutan,
lǎwas ring mleccā papa ta kamu yadin tan papuliha,
syapokī wīra hyun duluramu yadin mithya dahatĕn,
wwanganyekā yā tan tilarakna do mwing pabharatan,
11. Pitowin rakwāngdehā matuha sḍĕng matyang-usirĕn
barākweh lumrah ring hulu pangarah-ing meh sumurupa,
yayā lwir rāyyānwam mahuripa jugang buddhi kaluṣa,
