271
4. Nahan ling sri brahmatmaja mankok-ahyanguti takon,
manampyal waktramob : hrdaya sinudak ring naka tngen,
rikan glana ári magadha gtih-iran tand wa kumucur,
sudhiramrp rotang děděl amkas-ing prapa kumter.
5. Kabhina - bhinang dhatra tanaya manunggal gulu pgat,
sinanggang murid hängdhik gutukaken-ikeng śatru malayū,
rikan tandang śryawangga muwah amisik baga nisita,
nda yaka dhangsträ hyang paśupati katatwannya karengö.
6. Sudipta lwir dipta hyangaruna sumunwing pabharatan,
halisyus mwang baywanala dulur-ikä len glap umung,
pater mwang lindwagöng tka kadi rugang handa bhuwana,
tkap ning rudrastradbhuta haruharang bhumi sahana.
7. Tuhun sang dewarginggagana sama marmmohuti haji,
ri de ning rudranugraha lepasa ring dhatra tanaya,
nda kantǎnya dewangsa rasika panah ling pasupati,
awas malwi prapteng kita pjah-ika yan pa-
[135.a.] rikdo.
