268
rug bhraṣṭang kayu sol rĕbah kabarubuh guntur tikang pārwwata,
kagyat tang mrgerāja centĕn-angilī dening warāstrāngawur.
7. Sang dewān taka śoka mangkin-angayag gaṇḍewa pūrṇnāngwlu,
brāhmāstrāyudha weṣṇuwāstra lumĕpas lwir mṛtyu sākṣat murub,
len tekang baruṇāstra bhārggawa śarā ndātan haneka myati,
ngkane śrī daśabāhu cūrṇna ya hilang lwir warṣa pāteng tasik.
8.Mangkang hrū daśabahu bhagna ya tke śrī bhūmināthān kalih,
rud rāstrādbhuta kālaḍangstra lumĕpas punggĕl kawa lwir tngah,
[133.b.] nghing te -/- kang bala rākṣasātri ya pjah
de ning mahāstra punah,
mwang sakweh bala hastinendra matumang de baṇa sang rwāngasut.
9. Ndān sang rwā makire tri wikrama sirang kāśindrarājāmuka,
śrī kāśindra sirekināptys marĕke sang rwāngupayeng laga,
hetu śrī daśabāhu yatna mangagĕn ḍaṇḍāstra rotānggĕtĕm,
ngkan lumpat sira yar pupuh-ikang yakṣa dhipākweh pjah.
