267
3. Umrang tang kala bheri śangka tinulup samantarājān asö,
mwang sakweh para rajaputra ri harĕp munggwing gaja mwang ratha,
ngkā sang śrī nṛpa putra dakśa mamupuh yakṣādhipākweh pjah,
mātus tang balapaka yodha ya huwus rĕmpūh ḍinandeng gada.
4. Rug sakweh bala rākṣaseka tumuluy sang mānakangsāpulih,
sāmpun māti tkap sucitra pinanah syuh tang balanyātumang,
[133.a.] krodhākrak mangaran prala -/- mbhan - umurub tang bahni sangkeng tutuk,
ngkān sāmpun pjah-ing kşaneka ya tkap kasind rarājāmanah.
5. Krodhāmbĕk prabhu kośarāja ri luyuk ning rakśasākweh pjah,
mwang dewāntakarāja kālan - umasö krūrānggĕgö sāyaka,
cuṇḍuk śrī daśabāhu rakwa para ning sārwwastra muntab murub
lwir sanghāra bangun prakāmpa rumawuh bhraṣṭang watěk hastina.
6. Dhīra śrī daśabāhu śigaran - umatĕk hrū bāyubajrād bhuta,
dhwas lunghā śara sangghya kabwang-umareng doh sāk ḍawuh ring wana,
