266
koṭyā panah-irang indra bapa matmah yuta makacĕrĕcĕban.
2. kṛp niing kuru bala tinjurunya bhaṣmi tka ning gaja ratha ya gmut,
śrī māruta pjah-ika de nirang magadharāja rumuhun-apagut,
śryāwanggapati mjahi cedinātha milu kuṇḍi nagara ya pjah,
[132.b.] sakweh -/- prabhu suta kawnang tkap ning - asurāpati bala gaṇa sĕk.
o0o----
1. Ghūrṇnang wṛg bala hastinendra kadawut kewran watĕk partihiwa,
kāgṛk ring giri nora pāwatu karang saewwāstra bajrālĕyĕng,
len tekang tendun ring-abdhi rudhirang yyak lwir yyak-ing sāgara,
kombak kambul-ike tlĕng kasilĕm molah karang sāmaja
2.śryāwanggādhipa dhīra mangkin-usmaö nton sang watĕk hastina,
mwang Zri magadhendra yeka tumutih len tang watĕk rākṣasa,
yatnā śri daśabāhu garjjita tkap sang rwātirodrakṛti,
lwir pakṣindra rakwa lumihat ring mpas lawan sāmaja.
