264
5. Lawan tikang prawarang-indra bajra paka-panggalekan-umasö,
[131.b.] śrī cediraja siru -/- dhira maděg-i pemuk nirang kurukula,
śri welanatha lumawan pralambha nrpa kundinā-nglaga pada,
śālarddhaneka lumagang kataksa si wikalpa bajra kalués.
6. Ndah yeka hetu nikanang lagadbhuta bangun
rugang tri bhuwana,
tandang pragalbha warayakça śakti matmah tri rūpa lumurug,
krūrangamuk sahana ning prawira pinupuhnya ring gada pjah,
len tang sinula binlah wtongnya dinudut hatinya pinangan.
7. Dhirang prawīra sawatěk ri hastina makādi- raja tanaya,
taḥ jrih dinanda tinugol gulunya tinatas higanya winadhung,
lĕngkendra putra ya pjah lawan éryanuşa putra mati kapisan,
de sang pragalbha ri sdengnya rakwa mamupuh sirahnya sinikep.
8. Ngk̄ā cadirāja mangayat ring-astra pangasih trirajya dahana,
lwir mrtyu jihwa tigarupa tikęgan-umurub sakeng panah-ira,
