262
rĕp śighrānghambu mūkṣenayat-ira ya hilang
sampun malaradan,
mwang sakweh ning mahāsāñjata dedi tumibeng
dūrādri gahana.
10. Bhraṣṭekang rākṣasāsing mapagak ning pamuk
sang śrī narapeti,
syuh dening ḍaṇḍa cūrṇnang saka sawat-arĕmuk
len tang gaja ratha,
krūrekang dhūmawadwāmapagekni sireng cakrārddha
kepupuh,
mweng tang mohānala syuh pjah-ika tkap-ing
ḍaṇḍāstra tinahĕn.
11. Wīrāmbĕk śrī wirāṭeśwara makin-angiwung gho-
rārdhik-amupuh,
waktrāgni mweng caturtyāng-asura ya ta pjah
sāmpun kapugutan,
hetunyāng rākṣasa mrih kahuripan alayū
mungsi giri wana,
menggah - mĕnggah kawongan suku nika kumtĕr
glanang kackakan.
--o0o----
1. Ndah śrī kalinggapati rakwa wīra tan tumut
/131.a./ ka -/- palayū,
līlāngadĕgg sira ri rĕngga ning ratha ri
pāwṛg-ing bala gaṇa,
ngkā singhaghoṣa kadi singha rodra para
