259
8. Sāmpun rakwa tiningkah-akrama kabeh watĕk
kuru kula,
mwang sakweh para rājaputra ya huwus kabeh
mabubuhan,
sang śrī bhūpati māgadhendra cariten nda
yeki cumaḍang,
mwang śryāwanggapatīki rakwa makarābyuhā
ya ginlar.
9. Tan len śrī sulabheki rakwa ya tutuk sudhīra
ring-ayun,
śryāwanggādhipa magadhendra ya supit kalih
sira huwus,
sang mohanala tĕnggĕk-āngga walakang pralambha
kubala,
kānan keri sungutnya lobha kelawan pra-
galbha matguh.
---o0o---
1. Sāmpun tang byūha pūrṇnā pakĕkĕs-ika huwus-
/129.b./ -/- dūrgga parimita,
munyāng gong bheri ginwal murawa saha
kalānghrik tang gaja kuda,
sār sĕk lumreng kuru kṣetra samara humaḍang
tekang bala gaṇa,
mwang sakweh sang watĕk pārthiwa paḍa mapajĕg
mwang rākṣasapati.
2. Ndāh yekān śghra mangsĕ sahana nikeng
yoddhodhara gaṇa,
tangkĕpnyāprang silih prang kawigaran-anguwuh
dhīrārurĕk-arok,
