256
jñānektāwa ginĕng niran wnanga ring pati- hurip-ika don-irān laku,
sāmangkāna sireki rakwa kahiḍĕp jinapati wkas-
[128.a.] ing -/- niraśraya.
10. Akweh bhāwa nireki dudwang-apayung sirar-
athĕr-ayogadhāraka,
milyang rah mahamĕng titisnya tumibeng hulun- ira ya tumus theng jaja,
antranyā wilĕtan lalĕr wilis-aneka ri muka pangurambat-ing mata,
ndātan simpang-ike manah nira sumadhya ri turuni bhaṭāra reṇuka.
11. Bhūtākweh ri huwus nireka mamangan daging-
angamuk amuk mabherawa,
ghorang preta piśāca rāmya manginum gtih-ika mangigĕl ya māwěrĕ,
len tekang tumḍun marādyus-irikang jaladhi rudhira ghūrgṇitāngalun,
līlānūṣa narendra konapa lawan bala gana makarang liman śawa.
12. Tan ngeh yan huningan gatinya tucapā rahina ri huwus-ing taběh walu,
yekāhĕm sira sang watĕk ratu sabhārata humarĕk- i padmayonija,
mwang sakwah para rāja putra makamanggala suta haji hastine śwara,
mwang sang śāla sucitra dakṣa paḍa rakwa mamuji ri kaśaktin-ing musuh.
--- 000 ---
