25
4. Ndah kantĕnanya sipi tuṣṭta -/- niking
14.a. bhatāra,
sobhāgya harṣa ri tkapta mamūrtti sanghyang,
swedambujāstu pangaranta muwah Ya mangke,
ambāda denta linga ning paraloka tĕmbe.
-- 0 --
1. Nihan hana mateki dibya panganugrahangkwekita,
mahāhṛdayadharaṇiki palgaranya mantrādhika,
putus- ning-atiśakti wighna mala sarwwa śa-
trun hilang,
niroga nirūpādrawang jana phalanya siddhottama.
2. Tuwin ri sḍĕnganta dhīra mahaseng smaśānālaya,
nirāgraha malinggiheng kunapa lot ma-
dewa śraya,
samangkana kitan pamūrśitaknang sahānugraha,
awās ri tka ning prayojana sasādhya sang
sadhaka.
3. Apan wruh-aku yan kitā harĕp-atinggalang
nāgara,
sumadhya ri katĕmwa ning paramaboddhisatwam
laku,
sumeru giri rāja rakwang usirĕn ta dibyottama,
nda yeka patapan bhaṭāra guru siddha yogī-
śwara.
4. Nahan ling-ira sanghyang-adbhuta maweh warānu-
graha,
wisārjjana sire kamantyan-i huwis nirangakṣama,
