254
mwang dewāntaka wīra rāja tumutāmapagakna kaśaktin-ing musuh,
lyan sangke aira sang kalingga tinuduh ni -/-
[127.a.] ra sulabha panĕnggah-ing sarat.
3. Śryāwanggādhipa garjjiteki ri pakon sudaśasuta pakāptya ning bala,
kālih mwang magad hendra dhīra sira tān jrih 1 pangutus-1 rakṣasawara,
āpan rakwa siroka tan kahañangeng laga mangu- sing-aminta mapranga,
de ning krodha nire narendra daśābahu karaṇa marĕbut sukanyaka.
4. Sāmanta prabhu wīrayodha karuhun bala gaṇa hana detya rākṣasa,
kroṣa -kroṣa kabehnya rakwa tumuteng maga dhapatin umĕtwa ring sabha,
ajñā sang prabhu mangkaneka tumihang ndatita mtu mulih nareśwara,
ngkāne jro kuṭa pārśwa ning giri pakonggwan- ira kinmit-ing balādhika.
5. Tan wargṇan ri kjĕpnya māri muni tang tabĕ- tabĕhan-aganti lor kidul,
tingkah ning rana bhūmi yeka caritan suminang- i tka ning tngah wngi,
kaśrang de ni kñar ring-astra maṇi bhūśaṇa katilar-i liṇa sang prabhu,
yekā hĕtu nikang raṇanggaṇa paḍang rahina sama sudipta bhāswara.
