252
rug sakweh ning watĕk rākṣasa niyata tkeng gwan-irang poruṣāḍa,
rĕp moghang ratri kadyāmusani dadi mulih sang mahāwīrayodha. /
--- 000 ---
1. Byātītan gati nira sang musir kuṭāprang,
tingkah sang prabhu puruṣaḍa yan wiwakṣan,
ndah sāmpun sira runngö lwang-ing balākweh,
pakṣindrāsya pamuka ning pjah wiśirana.
2. Aścaryyang bala mahurip sameka mojar,
mukyang rākṣasa warawīrang-indra bajra,
kapwāngastuti guna ning musuh sudhīra,
rāyyānwam tuwi paḍa śakti wīra rota.
3. Ton tekang kumala kagasya bhaśmi cūrṇna,
de śālārddhana para rāja putra dibya,
tan hopĕn pjah-ikanang gajendrarūpa,
de rakryan patih-ika śakti wīramanta.
4. Tambis ngwang pjaha tkap nireng raṇangga,
yan tan ratryanapiha hetu ning swajīwan,
nā ling nyan dadi sumahur ta rākṣasendra,
tan len sang kṣitipati rātnakaṇḍarāja.
5. Hāh-hāh he kita bapang-indrabajra sājña,
aywāgöng wḍi tkap-ing musuh wicitra,
nyā māngkun mususa riye ranangga bhūmi,
yadyan bhūmi nika mawasya bhaśmi bhūta.
