251
4. Nekā mangaö dumdubhī guragada maharĕp molihe sang sumantri,
sambut ayāmogha sāmpun pinanah-ika tikĕl de nikang śtru śakti,
ndah yekan sāmajendrānala tmahan-ikang rāk-
[125.b.] āasa krūra -/- dhūma,
mattanghanggāruhur gunung-anak-umurub katarāngun - tab-untab.
5.Mangkin krodhāngamūk ṣad gaḍing-ika manujah ayuh marang kṣatriyangśa,
nāgāgöng tulya ning nāsika mutitakĕn tĕṇḍas- ing wīrayodha,
dhwas tekang sañjatasing tka kahala gsĕng de nikang sāmajāgni,
nā hatunyāng watĕk hastina bala malayū dūr- balāng rāja sangghya.
6. Dhīrāmbĕk sang jayendrāpuliha mapagakĕn sa- majendrātirodra,
lwir sang pārtheng raṇan tan siga siguni panas ning gajah bahnirūpa,
syuh dagdhang syandana mwang kuda nira ya gsĕng de nikang dundubhīka,
lumpat sang wīramantrī tha ri gulu nikang sāmajānunggang-ahya.
7. Pok-pok-pok tĕṇḍas-ing sama ja pinalu nireng ḍaṇḍa muñcar gtihnya,
ghorāngohan pjah ring kṣaṣa rika tumurun ring lmah sang jayendra,
