250
sakweh - kweh nikanang mahāsura maluy tekang suśakti dangu,
astam tang bala peka bhūta gaṇa sök cūrṇnang piśācālayu.
---000---
1. Ndah śighrāngindra bajrāgarawalan-apulih ton i rowang nikāwṛg,
rwang koṭyā detya yakṣa tka parĕng-amupak
[125. a.] -/- pārwwatāgöng nginunda,
wwil ning wil bhūta ning bhūta paḍa ya sumahab ring langit, ghūrgṇitāhya,
manghṛng mangrik ya rodrāmawa watu sadurung mwang salumpang sinangga.
2. Tandang ning detya yakṣā rasa muburaknang bhūr bhuwah swah ya kĕmpan,
yatnekang wīramantrī mamapagak nikang śatru ring cakra madṛs,
bĕntar tang pārwwatā syuh sahana nika tkeng sang mahayodharāja,
sakṣat śrī kṛṣṇa ngūnin para waśak nikang cakra ring Balwa rāja.
3. Lāwan tekang sutikṣṇān pjah-ika ya tkap-i sang mahāwīramantri,
sakweh ning rākṣasa panglaga ri sira huwus dhwas tĕkeng wāhananya,
tĕkwan śrī hastinendrātmaja sira matulung mwang nikang sala dakṣa,
sewwīngastrāněsĕb rākṣasa makatlĕbuk syuh tibeng bhūmi curṇna.
