249
19. śrī citrangsuka rāja tandwa kadunung de nyang watĕk rākṣasa,
sakwehnyan paḍa rodra rota sumahab sthīrā-ngadĕg ring liman,
[124.b.] hetu śrī naranātha śighra ma -/- ngayat ḍaṇḍātirotānggĕtĕm,
bhraṭāng rākṣasa sewu māti pinupuh mwang sang subhanggān pjah.
20. Ndah krodhā wara dumdubhīki mangagĕm sya- mogha tikṣṇojwala,
yāngduk śrī naranātha tan wruh-i ḍatĕngnya-lumpati syandana,
trus pyuh sang prabhu denya ghūrgṇita tikang yakṣāsrangangad wakĕn,
māwrg tang bala hastinendra kaḍawut sakweh watĕk pārthiwa.
21. Ndan sang wīrapati jayendra juga tan kabwang tkap ning musuh,
tan kewran winahan warastra pinĕning dening watĕk rākṣasa,
len tekang maharĕp tkānuduki munggah rĕngga ning syandana,
sāmpun rakwa dinuk nireng muśala tandwa syuh rĕmuk sing kna.
22. Brāhmāstrādbhuta weṣṇu wāstra pamanah sang wīramantring ripu,
hatunyāng bala rākṣasārĕs-ika tan wantĕn parĕk de nira,
