248
ayuh bhrastang pārwwateka pinanah de śrī narend rātmaja,
myang tĕnggĕknya huwus peat kapisan tĕṇḍasnya sampun tiba.
16. Mumbul rahnya sake gulūnya kumucur lwir dhātu muñcar mlĕk,
tĕndasnyakrak-uminduhur ya matĕpung pūrṇnā-kaśaktyādbhuta,
āy - ay kong ratu putra tuccha lihatekī raksasanindita,
hah - hah-hah ta kabehmu hah papagakĕn śaktingku tar popama.
17. Ling ning rākṣasa śighra yatna mamanah sang śrī narendrātmaja,
ping pat ping lima tandwa mangkana maluy jīwanya kepwen sira,
lumpet sang nṛpa putra śāla tka munggwing bāhu ning rākṣasa,
pakṣanyātĕpungang sirahnya pinupuh syuh de mirātyādbhuta.
18. Byātītan ri jurunya mātin-umurud sang śrī narendrātmaja,
mangsö tang mangaran pratikṣṇa pinakotunggāgra ning rākṣasa,
makweh pārthiwa māti denya tkap-ing sarwwastra sangkeng gadag,
lwir guntur mangalih rĕbah sahana ning deryyottamāṣṭa pjah.
