24
cāpa mwang nāgapāśa kṛtala muśala len ba jra cakrāniwaryya, pūrwwāng haste tngĕn śobhita mamawa kaphālā putih śangka tulya, /13.b./ su -/- msum rah len wuduk ning wwang isi nika kiwākadgātitikṣṇa.
4. Tindak lwir parwwatolah ta masidkung i bhūmi bhaktyāpraṇamya, ngkāneng jö śrī narendrātmaja majar-i tngah ning mahāyoga sandi, bhohbhoh he kitang sādhaka parama tmĕn te kung ambĕkta dībya, singgih yan buddhamūrttyārĕṣ i kaparagan ing bhāwacakrāprameya.
-- 0 --
1. He wruh matāku kita yañ jinamūrtti sākṣat, anwam suśila jitacakpu hanindya mantra, ṣadwargga śatru matakut kita denta śirṇna, len tang tri wīghna malayu paḍa sapta bhaṣma.
2. Sakwennya tan hana wnang mihateng guṇanta, brāhmāwiharā catureki ya panglaganta, metryāpagĕh karuṇa tan surud-ing swacitta, śūreng manah mudita śighra tkang upekṣa.
3. Ring sūkṣma yoga klit ing paramārtha buddha, wruh tan sakeng wacita te kita tān wiśeṣa, bhedanya tunggal-ika tan hana matra denta, gĕmpung kabeh ndi kariya yan luputeng kamokṣan.
