245
5. Dhīrāmbĕk nikanang duloman-umasö mūk wūk
watĕk hantina,
kanggĕk yen pinanah wijangnya kahiring de
śrī narendrādhipa,
yekā hetu nirāharĕp mamupuhāmuke sireng
syandana,
cek tĕnggĕknyā pgat cinakra ya tkap sang
śāla sangkeng kiwa.
6. Durmedāhyatirodra mangkin-abutĕng nton sang
duloman pjah,
krūrākārā harĕp thāngduka ri sang śālekiwān
wruh sira,
tandang śrī jinamūrtti putra wihikan prāpta-
nya sangkeng gĕgĕr,
tan wruh yan pinanah nireka ya sakeng kānan
kṣaṇekā pjah.
7. Mwang sakwehnya tikang mahāsura balanganti
/123.a./ wiyat durba -/- la,
wrin - wrin de ni panah sang-ārddhana tutug
ring swargga hārohara,
yekā hetu nikang kagendra muka tandwāmūrddha-
pakṣing layang,
syuh sakweh bala hastinendra cinucuk so-
canya sāmpun tlas.
8. Len tekang hinlö waneh tan pinulir śrīwanya
kengĕr pgat,
dudwekang cinucik gĕtihnyan-inidĕk tĕṇḍasnya
sāmpun lucat,
