243
11. Śighrāpulih-amahi gadāstra cāpa para bhūpati
suta tumitih,
koṭyārwūda śara nira pañca rūpa nawawaktra
mangĕnani musuh,
malwang sang-angiwu tikanang mahāsura makin
ta ya muwah-umasö,
krūrang daśaguṇa halĕp-ing hilang kadi ta
Warṇnang-udhadhi pasang.
12. Sanghāra malaku - laku tulya ning laga bangun
maburakna jagat,
liṇḍūng bhuwana tkap-i panghruk-ing danuja
bhūpati suta mamupuh,
rāktang dhwaja nira kumlab bangun lidah-ing-
āntaka mangalad - alad,
/122.a./ lwir dwādaśa rati putĕ -/- r-ing gadāmarĕngi
cakra ya linĕpasakĕn.
13. Lwir pārwwatā mahĕm-i samīpa ning jaladhi
ghūrṇnita sdĕng-ing-alun,
kweh tang śawa saha rudhiranya rakwa tmah-
ing pjah-amuk-ing-ayun,
nistanyan-apingit-atidūrggamāng samarabhūmi ta
ya katatakut,
tan kewĕh-ika tar arusit tkap sang-atiśūra
maharĕp-alaga.
---o0o---
1. Hūng ning rākṣasa daitya yodha manguwuh
lwir dadyangekārṇnawa,
bheri mwang kahalātri māslur-umasö sakweh
