242
dudwālaga ri pucak-ikang gunung sakapati
sagaṇa gumuruh,
ngkāne jurang-ika ya sĕsĕk tkeng wiwara
ghora ya marurĕk-arok.
8. Rāmyang prang-agaja - gajahan eilih wulĕt-
ikang tulalay-apulĕtan,
krūrāngakus - angakus-ikang susārathi tibā
ya paḍa kabaraṇan,
krodhāmalu pinalu ri kumbha ning dwi-
radharāja nika paḍa pjah,
mwang sāmaja nikn kedi pārwwatanglah-ika
cūrṇna paḍa mapulihan.
9. Kirṇnang ratu maratha - rathan sāma ratha
mamuk paḍa ta kawigaran,
sewung śara -/- wara lumpas ring-ambara ba-
ngun hudan-apuy-umurub,
mwang tang bala makuda-kudan paḍāsahut-
ikang kuda parĕng-arukĕt,
cek ceng dwani ni curik-ikāngne kraya tguh
kadi watu pinĕrang.
10. prodbhūtang-asura bala göng galak pada maśö
kadi glap-angawura,
dukduk muśala kṛtala sañjatanya lumarap
tatit-ika maliwĕran,
len tekang-aliman-ika manguṇḍa tomara hane
tngĕn-inanbĕnakĕn,
syuh tang kkuru bala kadahut watĕk makuda
sewu paḍa kasulayah.
